İsveçrənin Kran-Montana dağ-xizək kurortundakı barda baş verən partlayış nəticəsində təxminən 40 nəfər ölüb.

BBC-nin yaydığı məlumata görə, hadisə nəticəsində azı 100 nəfər yaralanıb. Yerli polis partlayışın yerli vaxtla saat 01:30 radələrində baş verdiyini bildirib.

İsveçrənin "Valais" media orqanının yerli təhlükəsizlik qüvvələrinə istinadən verdiyi məlumatlara görə, partlayışdan sonra ərazidə güclü yanğın başlayıb. Hadisə yerinə dərhal təcili tibbi yardım briqadaları və xilasedicilər cəlb olunub.

Səlahiyyətli qurumlar partlayışın başvermə səbəblərinin araşdırıldığını açıqlayıblar.