Türkiyə Prezidenti Rəcəb Tayyib Ərdoğan Türkiyə Qızıl Aypara Cəmiyyətinin yaradılmasının 158-ci ildönümü münasibətilə təbrik mesajı yayıb.
Prezident Ərdoğan mesajında Türkiyə Qızıl Aypara Cəmiyyətinin xalqın xeyriyyəçilik, şəfqət, xeyirxahlıq və həmrəylik rəmzi olduğunu vurğulayaraq, qurumun sərhədləri aşan fədakar və effektiv xidmətləri sayəsində humanitar yardım sahəsində dünyanın ən nüfuzlu təşkilatlarından birinə çevrildiyini qeyd edib. Dövlət başçısı Türkiyə Qızıl Aypara Cəmiyyətinin ən çətin şəraitdə belə məzlumların və zərərçəkənlərin köməyinə çatdığını, müharibə və təbii fəlakətlərin fəsadlarını aradan qaldıraraq bəşəriyyət üçün bir ümid işığı olduğunu bildirib.
Türkiyə Qızıl Aypara Cəmiyyətinin bundan sonra da ölkəni beynəlxalq arenada ən yüksək səviyyədə təmsil edəcəyinə əminliyini ifadə edən Rəcəb Tayyib Ərdoğan təşkilatın sülhə, sabitliyə və qardaşlığa xidmət edən gücünü məhz türk xalqının dəstəyindən aldığını diqqətə çatdırıb.
