Ədliyyə orqanlarının xəbər mənbəyi "Mizan" müttəhimin "İsrailin İrandakı ən mühüm casuslarından biri" olduğunu bildirib.

Ədliyyə orqanlarının xəbər agentliyi olan "Mizan" İranın İsrailin xeyrinə casusluqda ittiham olunan Bəhmən Çobiaslı edam etdiyini və müttəhimin "İsrailin İrandakı ən mühüm casuslarından biri" olduğunu bildirib.

"Mizan"ın verdiyi açıqlamaya görə, Bəhmən Çobiasl "həssas telekommunikasiya layihələri" üzərində çalışıb və "elektron cihazların idxal marşrutları" haqqında məlumat verib.

"Mizan" bildirib ki, İsrailin kəşfiyyat xidməti "Mossad"ın müttəhimin əməkdaşlığını təmin etməkdə əsas məqsədi dövlət qurumlarının məlumat bazalarını ələ keçirmək və İran məlumat mərkəzlərində zəiflik yaratmaq olub. Bundan başqa, elektron avadanlıqların idxal marşrutlarının araşdırılması kimi ikinci dərəcəli məqsədlər də həyata keçirilib.

Ali Məhkəmə müttəhimin apellyasiya şikayətini təmin etməyib və “korrupsiya” ittihamı ilə verilən ölüm hökmünü qüvvədə saxlayıb.

Artan edamlar

İsraillə onilliklər boyu davam edən kölgə müharibəsinin içində olan İran İsrailin kəşfiyyat xidməti olan "Mossad" ilə əlaqədə və onun ölkədəki əməliyyatlarına şərait yaratmaqda ittiham etdiyi çoxsaylı şəxsi edam edib.

İran-İsrail münaqişəsi iyun ayında İsrailin İran daxilində bir neçə hədəfi vurması, "Mossad" komandolarının ölkənin dərinliklərində yerləşdirilməsinə əsaslanan hücumlarla açıq müharibəyə çevrildi.

İsrailin xeyrinə casusluq etdikləri üçün edam edilən iranlıların sayı bu il əhəmiyyətli dərəcədə artıb və son aylarda ən azı 10 nəfər edam edilib.