Səudiyyə Ərəbistanının müdafiə naziri Xalid bin Salman ilə ABŞ-ın müdafiə naziri Pit Heqset arasında telefon danışığı olub. Tərəflər ikitərəfli müdafiə əməkdaşlığını və Yəməndəki husilərin krallığa hücumları da daxil olmaqla, bölgədə artan təhlükəsizlik məsələlərini müzakirə ediblər.
Müzakirələrdən sonra "X" hesabında paylaşım edən Xalid bin Salman Ər-Riyad və Vaşinqton arasında strateji müdafiə tərəfdaşlığının nəzərdən keçirildiyini bildirib. O, həmçinin regional gərginliyin azaldılması üçün göstərilən səyləri və husilərin hücumlarına qarşı görülən tədbirləri amerikalı həmkarı ilə ətraflı müzakirə etdiyini vurğulayıb.
Qeyd edək ki, Səudiyyə Ərəbistanı 2015-ci ildən bəri beynəlxalq səviyyədə tanınmış Yəmən hökumətini dəstəkləyən regional koalisiyaya rəhbərlik edir.
