Çin dövlət mediasının verdiyi məlumata görə, Çin Sədri Si Cinpin Pekində Rusiyanın xarici işlər naziri Sergey Lavrov ilə görüşüb.
Lavrov ikitərəfli əlaqələri gücləndirmək, Yaxın Şərq və Ukraynadakı müharibələri müzakirə etmək üçün iki günlüyünə Çinə səfər edib.
Pekin bu həftə İrana qarşı aparılan müharibədən iqtisadi cəhətdən təsirlənən çox sayda ölkə liderini qonaq edib. Bu şəxslər arasında İspaniya Baş naziri Pedro Sançes, Əbu-Dabi vəliəhd şahzadəsi Məhəmməd bin Zayed Al Nəhyan və Vyetnam lideri To Lam var.
Dövlət televiziyası CCTV-nin məlumatına görə, Lavrov Çin xarici işlər naziri Van İ ilə keçirdiyi görüşlərdə Rusiya və Çini "mühasirəyə almağa" yönəlmiş bir sıra cəhdləri tənqid etdikdən bir gün sonra, Pekindəki Xalq Böyük Zalında Si ilə görüşüb.
Rusiyanın dövlət xəbər agentliyi “RİA Novosti”nin məlumata görə, Lavrov görünür Amerika Birləşmiş Ştatları (ABŞ) və müttəfiqlərinə toxunaraq: "Çin Xalq Respublikası və Rusiya Federasiyasını mühasirəyə almağı hədəfləyən kiçikmiqyaslı, blok əsaslı strukturlar yaradaraq (regional əməkdaşlığı) ortadan qaldırmağa çalışırlar”, deyib.
