ABŞ-nin Geoloji Tədqiqatlar İnstitutunun fevralın 23-də (bu gün) yaydığı məlumata görə, səhər saatlarında Malayziyanın Borneo adasındakı Sabah ştatı sahili yaxınlığında 7,1 bal gücündə zəlzələ qeydə alınıb.
ABŞ Seysmoloji mərkəzi (USGS) zəlzələnin episentrinin paytaxt Kota Kinabalu şəhərindən təxminən 100 kilometr şimal-şərqdə və 619,8 kilometr dərinlikdə yerləşdiyini qeyd edib.
USGS insan tələfatı və ya ciddi zərər ehtimalının aşağı olduğunu bildirib. ABŞ Tsunami Xəbərdarlıq Mərkəzi zəlzələnin dərinliyi səbəbindən tsunami aktivliyinin gözlənilmədiyini qeyd edib.
Malayziya Hidrometeorologiya Departamenti də zəlzələnin gücünü 6,8 olaraq açıqlayıb və vəziyyətin nəzarət altında olduğunu vurğulayıb.
Departament sarsıntıların Sabahın qərb sahilində və Saravak ştatının müxtəlif bölgələrində də hiss edildiyini bildirib.
