Pakistan Silahlı Qüvvələri oktyabrın 26-da Əfqanıstan sərhədinə yaxın şimal-qərbdəki Xayber Paxtunxva əyalətinin bir ərazisində baş verən toqquşmalarda beş Pakistan əsgərinin həyatını itirdiyini və 25 terrorçunun öldürüldüyünü açıqlayıb.
Açıqlamada bildirilib ki, cümə və şənbə günləri Pakistan-Əfqanıstan sərhədi yaxınlığındakı Şimali Vəziristan və Kurram rayonlarında təhlükəsizlik qüvvələri tərəfindən iki böyük terrorçu qrupu müəyyən edilib və zərərsizləşdirilib.
Şimali Vəziristan rayonunda dörd intiharçı da daxil olmaqla 15 terrorçunun öldürüldüyü, Kurram rayonunda sərhədi keçməyə çalışan 10 terrorçunun isə zərərsizləşdirildiyi bildirilib.
Toqquşmalar zamanı beş Pakistan əsgəri də həyatını itirib
Həmçinin, öldürülən terrorçulardan çoxlu sayda silah, sursat və partlayıcı maddənin ələ keçirildiyi bildirilib.
