Cənubi Koreyanın Konstitusiya Məhkəməsi bazar ertəsi baş nazir Han Duk Sunun impiçmentini ləğv edərək onun səlahiyyətlərini bərpa edib. Qərar iki aydan çox davam edən siyasi qarışıqlıqdan bəri ən önəmli hadisə kimi qeyd olunur.

Han, keçən il qısa müddətli hərbi vəziyyət elan edən prezident Yon Suk Yolun vəzifəsindən kənarlaşdırılmasından sonra vəkil kimi rəhbərliyi öz üzərinə götürmüşdü.

Lakin Han bu vəzifədə cəmi iki həftə qala bildi. Beləki o, dekabrın 27-də Konstitusiya Məhkəməsinə üç yeni hakim təyin etməkdən imtina etdiyi üçün və ölkədə hərbi vəziyyətin tətbiqində rol oynadığı iddia edildiyi üçün müxalifətin çoxluq təşkil etdiyi parlament tərəfindən impiçment elan edilmiş və vəzifəsindən kənarlaşdırılmışdı.

Prosesin nəticəsinə görə isə Konstitusiya Məhkəməsinin hakimləri impiçment qərarını yeddiyə bir səs qərarı ilə ləğv etdi.

Məhkəmə müddəti ərzində 75 yaşlı Hanın yerinə prezident səlahiyyətlərini müvəqqəti olaraq maliyyə naziri Çoi Sanq Mok icra edirdi.

Qeyd edək ki, prezident Han ona qarşı irəli sürülən iddiaları təkzib edib və hərbi vəziyyətlə heç bir əlaqəsi olmadığını bildirərək məhkəmədən impiçment işinə xitam verilməsini istəmişdi.