Nyu-Yorkda keçirilən təhvil-təslim mərasimi Ankaranın xaricə qaçaqmalçılıq yolu ilə aparılan əsərlərin geri qaytarılması kampaniyasında yeni bir qələbə olmuşdur. ABŞ və Türkiyə rəsmiləri də qlobal mədəni irs qaçaqmalçılığına qarşı artan əməkdaşlığı vurğulayıblar.
Türkiyədən qanunsuz olaraq çıxarılan ən azı 41 Anadolu əsəri ABŞ-dan qaytarılıb. Ankaranın mədəni irsini geri qaytarmaq üçün davam edən səylərində əhəmiyyətli bir addım kimi qəbul edilən bu addım dekabrın 8-də Türkiyə və ABŞ rəsmiləri tərəfindən elan edilib.
8 milyon dollardan çox dəyəri olan əsərlər Nyu-Yorkdakı Manhetten Rayon Prokurorluğunda keçirilən mərasimdə rəsmi olaraq Türkiyənin Mədəniyyət və Turizm nazirinin müavini Gökhan Yazgiyə təhvil verilib.
Kolleksiyada bir vaxtlar Anadoluda kök salmış qədim sivilizasiyalardan qalan nadir əsərlər var. Bu əsərlərin əksəriyyəti qanunsuz şəbəkələr vasitəsilə ölkədən qaçaqmalçılıq yolu ilə çıxarılıb.
Manhetten Rayon Prokurorluğunda yüksək səviyyəli antik əşyalar bərpa əməliyyatlarına rəhbərlik etməsi ilə tanınan köməkçi prokuror Metyu Boqdanos və Nyu-Yorkdakı Vətən Təhlükəsizliyi Təhqiqatları (HSI) üzrə məsul köməkçi xüsusi agent Tom Akosella da mərasimdə iştirak ediblər. Hər iki rəsmi şəxs Türkiyə ilə ABŞ arasında güclü əməkdaşlığın qaçaqmalçılıq şəbəkələrinin dağıdılmasında və oğurlanmış mədəni sərvətlərin geri qaytarılmasında çox vacib olduğunu vurğulayıblar.
Bu son təhvil vermə mərasimi birgə araşdırmalar nəticəsində əldə edilən bir sıra tarixi əsərlərin qaltarılmasında son halqadır və arxeoloji irsin talanlardan və qlobal qara bazardan qorunması üçün dərinləşən tərəfdaşlığı əks etdirir.
