Səhiyyə rəsmisi Türkiyənin Şərqi Anadolu Bölgəsində yerləşən İnönü Universitetində formalaşdırılmış mütəxəssisliyin dəstəyi ilə qaraciyər köçürülməsi sahəsində qlobal bir mərkəzə çevrildiyini qeyd edib.
Türkiyədə tibb tarixində ilk dəfə səkkizistiqamətli çarpaz qaraciyər transplantasiyası əməliyyatı həyata keçirilib.
Bunu Türkiyənin səhiyyə naziri Kamal Memişoğlu açıqlayıb. Nazir bildirib ki, əməliyyat İnönü Universitetinin Qaraciyər Transplantasiyası İnstitutunda professor Sezai Yılmaz və onun komandası tərəfindən icra olunub. O, bu uğuru tibb sahəsində mühüm mərhələ kimi qiymətləndirib.
Nazir Memişoğlu Türkiyənin Şərqi Anadolu Bölgəsində yerləşən İnönü Universitetində təhsil almış elm adamları və həkimlər sayəsində qaraciyər köçürülməsi sahəsində dünya miqyasında tanınan bir mərkəzə çevrildiyini qeyd edib.
Memişoğlunun sözlərinə görə, Türkiyədə hər il təxminən 1800 qaraciyər köçürülməsi həyata keçirilir və bu əməliyyatların 300-dən çoxu İnönü Universiteti Turqut Özal Tibb Mərkəzi Qaraciyər Köçürülməsi İnstitutunda icra olunur.
Memişoğlu tibbi komandanı təbrik edərək, səhiyyə xidmətləri ilə tibb elminin inkişafına verdikləri töhfələrə görə onlardan təriflə bəhs edib.
