Suriya prezidenti Əhməd Şaraa və Beynəlxalq Valyuta Fondunun (BVF) direktoru Kristalina Georgieva Suriyanın iqtisadi inkişafını dəstəkləmək üçün əməkdaşlıq imkanlarını müzakirə ediblər.

Şaraa və Georgieva noyabrın 9-da Vaşinqtonda BVF-nin qərargahında keçirdikləri görüşdə Suriyanın xarici işlər naziri Əsəd Şeybani də iştirak edib.

SANA-nın məlumatına görə, tərəflər "Suriya və BVF əməkdaşlığı gücləndirmək və iqtisadi islahatları təşviq etmək üçün mümkün əməkdaşlıq çərçivələrini" müzakirə ediblər.

Şara noyabrın 8-də gecə COP30 iqlim sammitində iştirak etdiyi Braziliyadan Vaşinqtona gəlib.

Ağ Evin mətbuat katibi Kerolin Livit noyabrın 4-də ABŞ prezidenti Donald Trampın bu gün Şaraa ilə görüşəcəyini açıqlayıb və ABŞ Prezidentinin Suriyaya qarşı sanksiyaları ləğv etmək qərarını "tarixi" adlandırıb.

Tramp və Şaraanın ikitərəfli və regional məsələləri, ən əsası isə ABŞ-ın Suriyaya qarşı sanksiyalarının ləğvini müzakirə edəcəyi gözlənilir.

Ötən həftə ABŞ Dövlət Departamenti Konqresin Suriyaya qarşı sanksiyalar tətbiq edən "Sezar" qanununu ləğv etməsini dəstəklədiyini açıqlayıb.

Şaraanın ABŞ-a səfəri Suriyanın 1946-cı ildə müstəqillik qazanmasından bəri Suriya liderinin ABŞ-a ilk səfəridir.