"Pari Sen-Jermen" (PSJ) klubunun Çempionlar Liqasındakı final qələbəsindən sonra minlərlə insan küçələrə axın edib. Komandanın qalibiyyət sevinci şiddətli toqquşmalara çevrilərək yüzlərlə insanın saxlanılmasına səbəb olub.
Bu barədə məlumat Fransanın Daxili İşlər Nazirliyi tərəfində verilib. Nazir Loran Nunyez minlərlə insanın küçələrə çıxması ilə yaranan qarşıdurmalarda 416 nəfərin saxlanıldığını açıqlayıb.
Daxili işlər naziri 280-dən çox şəxsin məhz Parisdə saxlanıldığını bəyan edib. L.Nunyez yeddi polis əməkdaşının yaralandığı bu hadisələri “qətiyyən qəbulolunmaz” adlandırıb.
PSJ Çempionlar Liqası titulunu qorudu
"Pari Sen-Jermen" (PSJ) mayın 30-da Macarıstanın paytaxtı Budapeştdə yeləşən "Puşkaş Arena"da keçirilən final matçında "Arsenal" komandası oyuna çıxıb. Qarşılaşmanın nəticəsi 1-1 hesablı heç-heçə ilə başa çatıb. Daha sonra penalti seriyasında 4-3 hesabı ilə önə keçən komanda UEFA Çempionlar Liqası titulunu qorumağı bacarıb.
"Arsenal" qarşılaşmanın 6-cı dəqiqəsində Kay Havertzin qolu ilə hesabı açsa da, PSJ ikinci hissədə tarazlığı bərpa edib. Komanda 65-ci dəqiqədə Usman Dembelenin penaltini dəqiq yerinə yetirməsi ilə hesabı bərabərləşdirib.
