Səudiyyə Ərəbistanı Xarici İşlər Nazirliyinin məlumatına görə, "Quincy-1" adlandırılan təlimin məqsədi əməliyyat hazırlığını artırmaq və təcrübə mübadiləsi aparmaqdır.
Səudiyyə Ərəbistanı Xarici İşlər Nazirliyinin yaydığı məlumata görə, ABŞ və Səudiyyə Ərəbistanı Kaliforniyadakı Fort İrvin hərbi bazasında birgə hərbi təlimə başlayıblar.
Nazirliyin açıqlamasında bildirilib ki, "Quincy-1" adlandırılan birgə təlimin məqsədi əməliyyat hazırlığını artırmaq, təcrübə mübadiləsi aparmaq və müxtəlif döyüş mühitlərində birgə əməliyyatların aparılması üçün inteqrasiyanı gücləndirməkdir.
Nazirlik təlimin müddəti və ya iştirak edən şəxsi heyətin sayı barədə heç bir məlumat verməyib.
Fort İrvin Milli Təlim Mərkəzi ABŞ ordusu üçün əsas təlim sahəsidir və Kaliforniyanın Mojave səhrasında təxminən 3108 kvadrat kilometr ərazini əhatə edir.
