Mayın 18-də silah səsləri ucalan zaman doqquz yaşlı Oday Şanah da təhsil aldığı İslam Mərkəzində idi. O, atışma zamanı onlarla uşaqla birlikdə sinif otaqlarında sığınacaq tapmağa məcbur olan şagirdlərin arasında olub. Qeyd edək ki, Odayın anası təxminən iyirmi il əvvəl müharibənin viran qoyduğu Qəzzadan köç edərək San-Dieqo ətrafında məskunlaşıb. Şanah kompleksin divarlarından kənarda 12-16 arası atəş səsi eşitdiyini xatırlayır. İslam Mərkəzini və ətrafda yaşayan, bir-birinə sıx əlaqədə olan müsəlman icmasını sarsıdan bu silahlı zorakılıq, 2006-cı ildə Qəzzadan Amerika Birləşmiş Ştatlarına köçmüş anası üçün böyük şok olub. Onun atası isə 2015-ci ildə İordaniyadan ABŞ-yə köç edib. Bu travmatik hadisəni öz sözləri ilə nəql edə bilməsi üçün hər iki valideyn oğullarının bu video üçün müsahibə verməsinə və adının çəkilməsinə icazə verib.