"Pari Sen-Jermen" (PSJ) azarkeşlərinin klubun tarixinə keçən UEFA Çempionlar Liqası qələbəsini qeyd etmək üçün küçələrə axışmasından sonra Parisdə gecə boyu davam edən iğtişaşlar baş verib. Əmlaka ziyan dəyməsi və yanğın xəbərlərinin ardınca polislə qarşıdurmalar yaranıb. Polis əməkdaşları "Park de Prens" stadionu yaxınlığında gözyaşardıcı qazdan istifadə ediblər. Lentə alınan görüntülərdə bayram şənliklərinin xaosa çevrildiyi, azarkeşlərin yanıcı maddələrdən istifadə etdiyi və polisin yaxınlıqdakı küçələrdə qrupları təqib etdiyi əks olunub.