İnternetdə yayılan görüntülərdə soyğunçuların Misirdəki magistral yolda hərəkətdə olan yük maşınını qarət etdiyi anlar əks olunub. Mavi rəngli bir pikap sürətlə gedən yük maşınına yaxınlaşır, şübhəlilər isə hər iki nəqliyyat vasitəsi hərəkətdə ola-ola pikapın kapotuna dırmaşaraq yük maşınının arxa qapısını açır və soyğunu həyata keçirirlər. Saniyələr ərzində baş verən bu soyğunçuluq "Forsaj" (Fast & Furious) filmindəki səhnələrə bənzədilib.