Türkiyə ticarət nazirinin müavini Özgür Volkan Ağar Əsədin devrilməsindən sonra Suriyada siyasi sabitliyin bərqərar olması ilə Suriyaya ixracatın illik müqayisədə 54% artdığını bildirib.

Nazir müavini qeyd edib ki, Suriyadakı siyasi inkişaflar və Əsəd rejiminin devrilməsindən sonra ikitərəfli münasibətlərin yaxşılaşması sayəsində Türkiyənin Suriyaya ixracatı 2025-ci ildə 3 milyard dolları keçib ki, bu da illik müqayisədə 54,1% artım deməkdir.

Özgür Volkan Ağar "Anadolu" agentliyinə verdiyi açıqlamada Türkiyənin Suriyaya ixracının keçən il 1,95 milyard dollar təşkil etdiyini və qonşu ölkəyə ixracın kəskin artdığını vurğulayıb.

Ağar əlavə edib ki, Türkiyənin ümumi mal ixracatı yanvar-noyabr dövründə 270,6 milyard dollara çatıb və ilin yekun rəqəmləri 2026-cı ilin yanvar ayında keçiriləcək ixrac qiymətləndirmə mərasimində açıqlanacaq.

Nazir müavini gələn ilin ixrac hədəflərinin açıqlanacağı mərasimdə prezidenti Rəcəb Tayyib Ərdoğanın da iştirak edəcəyini bildirib.

Türkiyənin xidmət sektorunda xarici ticarət profisiti olan bir ölkə olduğunu qeyd edən Ağar yanvar-noyabr dövründə 122,5 milyard dollarlıq xidmət ixracına nail olduqlarını bildirib.

Noyabr ayında ümumi mal və xidmət ixracatı 393,1 milyard dollara çatıb.

Ağar deyib: "Məqsədimiz 2026-cı ilə qədər bu rəqəmləri əhəmiyyətli dərəcədə aşmaqdır".

Türkiyənin qonşu ölkələrə ixracda mühüm rol oynamağa davam etdiyini bildirən Ağar ötən ilin dekabr ayında Əsəd rejiminin devrilməsindən bəri Suriya ilə ticarətin genişləndiyini qeyd edib.

Nazir müavini bildirib ki, Suriyaya ixracımız 3 milyard dolları keçib. Əvvəlki illərlə müqayisədə 54% artım qeydə almışıq. Bu, əvvəlki illərlə müqayisədə çox əhəmiyyətli bir artımdır. Buna görə də, Suriya daha da inkişaf etdikcə və siyasi sabitliyini gücləndirdikcə, Türkiyə ilə bu münasibətləri daha da inkişaf etdirəcək və daha yaxşı xarici ticarət rəqəmlərinə nail olacağıq”.