Türkiyənin sənaye və texnologiya naziri Mehmet Fatih Kacır yanvarın 9-da verdiyi açıqlamada bildirib ki, Türkiyə bu il 5–9 oktyabr tarixlərində turizm şəhəri Antalyada dünyanın ən böyük kosmik tədbiri olan Beynəlxalq Astronavtika Konqresinə (IAC) ev sahibliyi edəcək. Nazir M.F.Kacır bu barədə “X” platformasında paylaşdığı açıqlamada deyib.
“Bir çox ölkədən alimlər, tələbələr, startapçılar, kosmik şirkətlər və kosmik agentliklər üçün görüş məkanı olacaq bu möhtəşəm tədbirə hazırlıq işlərimizi sürətlə davam etdiririk. Prezidentimiz Rəcəb Tayyib Ərdoğanın rəhbərliyi ilə həyata keçirdiyimiz Milli Kosmik Proqram vasitəsilə ölkəmizin kosmik elmlər və texnologiyalar sahəsində yüksəlişini dünyaya bəyan edən, kosmik fəaliyyətlərin bəşəriyyətin ortaq gələcəyinə xidmət etməsini təmin edən və ölkəmizə layiq bir tədbirə imza atacağıq”, - deyə nazir qeyd edib.
Xatırladaq ki, ötən ay Türkiyə Kosmik Agentliyinin (TUA) sədri Yusuf Kırac bildirmişdi ki, tədbir gələn il Türkiyədə 10 mindən çox kosmik mütəxəssisi bir araya gətirəcək və bu, ölkənin kosmik baxışı üçün tarixi dönüş nöqtəsi olacaq.
Nazir M.F.Kırac həmçinin akademikləri və gəncləri konqresdə iştirak etməyə çağıraraq, bunun onlara elmi məqalələrini dərc etdirmək və tədbirdə iştirak edəcək yüksək səviyyəli şirkət sahibləri ilə tanış olmaq imkanı verəcəyini vurğulayıb.
