Suriya Müdafiə Nazirliyi Hələbin şimalındakı bir neçə məhəllədə atəşkəs elan edildiyini bildirib.

Nazirlik hərbi vəziyyətə son qoymaq məqsədilə Hələbin Əşrəfiyyə, Şeyx Məqsud və Bəni Zeid məhəllələrində atəşkəs elan edib. SANA xəbər agentliyinin məlumatına görə, atəşkəs yanvarın 9-da yerli vaxtla saat 03:00-dan etibarən, rəsmi qüvvələrin bu rayonlara nəzarəti ələ keçirməsindən sonra qüvvəyə minib.

Nazirlik silahlı qruplara ərazini tərk etmək üçün həmin gün saat 09:00-a qədər vaxt verib. Bu addım PKK/YPG-nin geri çəkilməsindən sonra daxili təhlükəsizlik qüvvələrinin Əşrəfiyyəyə yerləşdirilməsi ilə eyni vaxta təsadüf edib.

Suriya ordusu YPG-nin hücumlarına cavab olaraq təşkilatın Hələbdəki mövqelərinə intensiv zərbələr endirib. Rəsmi məlumata görə, YPG-nin hücumları nəticəsində azı 9 mülki şəxs həlak olub, onlarla insan yaralanıb.