İsrailin Qəzzanın cənubuna təşkil etdiyi son hücumlarda üç fələstinli həlak olub, bir nəfər isə yaralanıb. Tibbi mənbələr bu hücumların ötən il əldə edilmiş atəşkəs razılaşmasının növbəti pozuntusu olduğunu bildiriblər.

Anadolu Agentliyinə məlumat verən mənbələr bildirib ki, ölümlər İsrailə məxsus pilotsuz uçuş aparatının (PUA) Xan Yunisin əl-Bələd bölgəsinə endirdiyi zərbə nəticəsində qeydə alınıb.

Mənbələrin verdiyi məlumata görə, Xan Yunisin əl-Batin əs-Samin ərazisində İsrail qüvvələrinin açdığı atəş nəticəsində bir fələstinli qadın da yaralanıb. Bildirilib ki, hər iki hadisə İsrail ordusunun atəşkəs razılaşması çərçivəsində geri çəkildiyi ərazilərdə qeydə alınıb.

Hücumlar bazar ertəsi səhər saatlarında İsrailin Qəzzanın müxtəlif bölgələrinə endirdiyi hava zərbələrindən sonra baş verib.

2023-cü ilin oktyabr ayından bəri İsrail ordusunun bölgədə həyata keçirdiyi hücumlar nəticəsində əksəriyyəti qadın və uşaq olmaqla 71.400-dən çox insan həyatını itirib, 171.000-dən çox şəxs isə yaralanıb.

Ordu atəşkəs razılaşmasına baxmayaraq hücumlarını davam etdirir. Qəzza Səhiyyə Nazirliyinin məlumatına görə, atəşkəs imzalandıqdan bəri İsrailin hücumları nəticəsində 442 fələstinli həlak olub, 1200-dən çox insan yaralanıb.