Tramp Qəzza Sülh Şurasının yaradıldığını elan edib

ABŞ prezidenti Donald Tramp mühasirəyə alınmış Fələstin ərazilərində İsrailin soyqırımına son qoymaq üçün ABŞ-ın rəhbərlik etdiyi planın ikinci mərhələsinin əsas elementi olan Qəzza Sülh Şurasının yaradıldığını elan edib.

Tramp "Truth Social" platformasındakı paylaşımda "Sülh Şurasının yaradıldığını elan etməkdən qürur duyuram. Bu idarəetmə orqanının tərkibi "tezliklə açıqlanacaq" deyib.

"Qətiyyətlə deyə bilərəm ki, bu, hər hansı zamanda, hər hansı yerdə indiyə qədər yaradılmış ən böyük və ən nüfuzlu Şuradır", -deyə Tramq qeyd edib.

Şuranın yaradılması soyqırımdan sonra Qəzzanı idarə edəcək 15 nəfərlik Fələstin texnokrat komitəsinin elan edilməsindən qısa müddət sonra baş verib.

Şura Trampın sədrlik edəcəyi gözlənilən sülh komitəsinin nəzarəti altında fəaliyyət göstərəcək.

Plan həmçinin Qəzzanın təhlükəsizliyini təmin etmək və etibarlı Fələstin polis bölmələrini yetişdirmək üçün bölgəyə Beynəlxalq Sabitləşdirmə Qüvvələrinin yerləşdirilməsini də nəzərdə tutur.

HƏMAS-ın yüksək vəzifəli liderlərindən Bassem Naim yanvarın 15-də verdiyi açıqlamada bildirib ki, "Top artıq vasitəçilərin, qarant ABŞ-ın və beynəlxalq ictimaiyyətin meydanındadır".

İsrailin atəşkəs pozuntuları

ABŞ-ın dəstəklədiyi və ilk dəfə 10 oktyabrda qüvvəyə minən Qəzza sülh planı HƏMAS tərəfindən saxlanılan bütün məhbusların geri qaytarılmasına və mühasirəyə alınmış ərazilərdə soyqırımın sona çatmasın asanlaşdırdı. Lakin o vaxtdan bəri İsrail atəşkəsi pozaraq Qəzzada yüzlərlə fələstinlini öldürüb.

Fələstinlilər üçün ən vacib məsələ İsrail qoşunlarının Qəzzadan tamamilə hərbi şəkildə çıxarılmasıdır; bu addım plana daxil olsa da, ətraflı bir zaman xətti ilə bağlı deyil.

İsrail qüvvələri 2023-cü ilin oktyabr ayından bəri əksəriyyəti qadın və uşaqlar olan 71 min 400-dən çox fələstinlini öldürüb və 171 min 300-dən çoxunu yaralayıb. Araşdırmalar və analitiklər, xüsusən də qismən İsrail tərəfindən işğal edilmiş ərazilərdə əsl ölüm sayının təxminən 200 min ola biləcəyini göstərir.

İsrail 10 oktyabrda başlayan atəşkəsi pozmağa davam edərək, daha 451 fələstinlini öldürüb, 1 200-dən çoxunu yaralayıb.