Fələstinli Məhbuslar Klubunun paylaşdığı məlumata görə, İsrail Qəzza atəşkəs razılaşması çərçivəsində fələstinli məhbusların azad edilməsinə başlayıb.

Qurumun oktyabrın 13-də verdiyi açıqlamada bildirilib ki, azad edilən məhbusları daşıyan avtobuslar Ramallahın qərbində yerləşən “Ofer” həbsxanasından çıxaraq işğal altındakı İordan çayının qərb sahilindəki Beytunya qəsəbəsinə doğru hərəkət edib.

Bundan əlavə, azad edilən məhbusları daşıyan avtobusların İsrailin cənubunda yerləşən “Negev” həbsxanasından da Qəzzaya doğru yola çıxdığı ifadə olunub.

Qeyd edək ki, fələstinli məhbusların İsrail tərəfindən azad edilməsi, “Həmas”ın Qəzza atəşkəs razılaşmasının ilk mərhələsi çərçivəsində 20 israilli girovu təhvil verməsinin ardından həyata keçirilib.