Rusiya paytaxta yaxınlaşan onlarla Ukrayna dronunu vurduğunu bildirdi

Moskva meri Sergey Sobyanin paytaxta yaxınlaşan 19 PUA-nın vurulduğunu, lakin tələfat və dağıntı barədə məlumat verilmədiyini açıqlayıb.

Moskva meri Sergey Sobyanin Ukrayna PUA-larının Rusiya paytaxtına böyük hücum təşkil etdiyini açıqlayıb.

Sobyanin Rusiyanın "Max" sosial media platformasında etdiyi paylaşımında günün əvvəlindən Moskvaya yaxınlaşan 19 pilotsuz uçan aparatın vurulduğunu bildirib.

O, bu gün (23 sentyabr) "Təcili yardım qrupları dağıntıların düşdüyü ərazilərdə işləyir. Paytaxtda tələfat və dağıntı yoxdur" deyib.

Müdafiə Nazirliyi həmçinin bildirib ki, hava hücumundan müdafiə sistemləri gecə yarısından səhər saat 7-dək Rusiyanın 10 bölgəsində 69 Ukrayna pilotsuz təyyarəsini məhv edib.

Ukrayna hələ ki, Rusiyanın iddiaları barədə açıqlama verməyib. Davam edən toqquşmalara görə xəbərin müstəqil mənbələr tərəfindən təsdiq edilməsi çətin görünür.