TRT-nin təşkil etdiyi növbəti Humanitar Film Festivalı üçün müraciətlər başlayıb

Türkiyənin qabaqcıl sənədli film festivalı olan TRT Humanitar Film Festivalı dünyanın dörd bir yanından film istehsalçılarını kino vasitəsilə insan hekayələrini və qlobal humanitar problemləri ön plana çıxarmağa dəvət edir.

TRT-nin Baş direktoru Mehmet Zahid Sobacı "X" sosial şəbəkəsində etdiyi paylaşımda "Humanitarian Film Festivalı" üçün müraciətlərin başladığını elan edib.

Türkiyənin ictimai yayımçısı TRT tərəfindən təşkil edilən festival kinonun gücü ilə təxirəsalınmaz humanitar problemləri və real dünyadakı insan təcrübələrini vurğulamağı hədəfləyir.

Baş direktor Mehmet Zahid Sobacı festivalın "bəşəriyyətin real məsələlərini kino vasitəsilə ortaya qoyma" xüsusiyyətini qeyd edərək, müraciətlər üçün son tarixin 15 iyun 2026-cı il olduğunu təsdiqləyib.

Əvvəlki buraxılışlarında festival sosial məsuliyyətli hekayəçilik və münaqişə, miqrasiya, bərabərsizlik və insanın dözümlülüyü mövzularını nəzərdə tutan sənədli filmlərə diqqət yetirərək, dünyanın hər yerindən kinematoqrafçıları cəlb edən beynəlxalq platformaya çevrilib.

Növbəti tədbirin də bu xətti davam etdirərək qlobal miqyasını genişləndirməsi, humanitar heyakələrə və təsirli vizual hekayəçiliyə verdiyi önəmi qoruyacağı gözlənilir.