İran hava məkanı yenidən açılıb

Təhlükəsizliklə bağlı bağlanmanın bitməsindən sonra İranda uçuşlar bərpa edilib. Davam edən regional gərginlik və beynəlxalq nəzarət fonunda təyyarələr Tehran hava məkanına qayıdıb.

İran hava məkanı əksər uçuşların müvəqqəti dayandırılmasının başa çatmasından sonra yenidən uçuşlaa açılıb. İzləmə məlumatlarının təyyarələrin Tehrana doğru hərəkət etdiyini göstərdiyi bildirilib.

“FlightRadar24” onlayn uçuş izləmə xidməti bu gün (15 yanvar 2026) İran hava məkanını məhdudlaşdıran Hava Missiyaları Bildirişinin (NOTAM) müddətinin bitdiyini və ölkənin hava məkanına çoxsaylı təyyarələrin daxil olduğu müşahidə edildiyini təsdiqləyib.

Qeyd edək ki, İran təhlükəsizlik protokollarına istinadən icazə verilən beynəlxalq mülki uçuşlar istisna olmaqla, hava məkanını müvəqqəti olaraq bütün uçuşlar üçün bağlamışdı.

İlkin bildirişdə Tehranın hava məkanının 15 yanvar tarixinə qədər bağlı qalacağı və yalnız Mülki Aviasiya İdarəsinin əvvəlcədən təsdiqi ilə müəyyən mülki uçuşların fəaliyyət göstərməsinə icazə veriləcəyi bildirilirib.

Bu addım İranda hökumət əleyhinə etirazlar və beynəlxalq nəzarətin artması da daxil olmaqla, regional və daxili gərginliyin artması fonunda baş verir.

ABŞ prezidenti Donald Tramp bildirib ki, İranda etirazçıların edam edilməsinin dayandırıldığı barədə məlumatlandırılıb və Vaşinqtonun hadisələri yaxından izləyəcəyi barədə xəbərdarlıq edib.

Tramp dəfələrlə etirazçılara dəstəyini ifadə edib və edamların həyata keçiriləcəyi təqdirdə ABŞ-nin "çox sərt tədbirlər" görə biləcəyini bildirib.

G7 xarici işlər nazirləri də etirazçılara qarşı "qəsdən zorakılıq tətbiqini" pisləyib, hakimiyyəti təmkinli olmağa və insan haqlarına hörmət etməyə çağırıb və mümkün əlavə tədbirlər barədə xəbərdarlıq ediblər.

Digər tərəfdən, İran rəsmiləri etirazlarla əlaqəli iğtişaşların və terror aktlarının ABŞ və İsrail tərəfindən dəstəkləndiyini iddia ediblər, lakin bu iddialar Qərb tərəfindən təkzib olunur.

İran hakimiyyəti rəsmi ölüm sayı rəqəmlərini açıqlamasa da, insan haqları təşkilatları dekabrın sonlarında etirazlar başlayandan bəri minlərlə insanın öldüyünü və yaralandığını bildirirlər.