Türkiyə Prezidenti Rəcəb Tayyib Ərdoğan Şimali Kipr Türk Cümhuriyyətinin qurulmasının 42-ci ildönümü münasibətilə paylaşım edib.

Rəcəb Tayyib Ərdoğan paylaşımında bu ifadələrə yer verib: "Şimali Kipr Türk Cümhuriyyətinin qurulmasının 42-ci ildönümü münasibətilə adadakı qardaş və bacılarımızı təbrik edir, salamlarımı çatdırıram. Qəhrəman şəhidlərimizi rəhmətlə, qazilərimizi isə minnətdarlıqla yad edirəm. Kipri heç vaxt tək qoymayacaq və hər sahədə Kiprdəki türklərlə həmrəyliyimizi gücləndirməyə davam edəcəyik".