Venesuelada Prezident İqamətgahının yaxınlığında partlayış və silah səsləri eşidilib
Yerli media və təsdiqlənməmiş sosial media görüntülərinə əsasən, Venesuelanın paytaxtı Karakasda Prezident İqamətgahının ətrafında silah və partlayış səsləri qeydə alınıb
Venesuelada Prezident İqamətgahının yaxınlığında partlayış və silah səsləri eşidilib.
Yerli media və təsdiqlənməmiş sosial media görüntülərinə əsasən, Venesuelanın paytaxtı Karakasda Prezident İqamətgahının ətrafında silah və partlayış səsləri qeydə alınıb.
İnternetdə yayılan videolarda iri çaplı silahlar daşıyan şəxslərin olduğu görünür. Görüntülərdə həmçinin təhlükəsizlik qüvvələrinin Prezident İqamətgahına yaxın küçələrdə patrul xidməti həyata keçirdiyi əks olunub.
Yerli mənbələrin məlumatına görə, Prezident İqamətgahı ətrafında naməlum dronların müşahidə edilməsi ilə bağlı xəbərlərdən sonra yerli vaxtla saat 20:00 radələrində silah səsləri eşidilib. Hakimiyyət orqanlarının hadisə ilə bağlı ictimaiyyətə rəsmi məlumat verməməsi isə çaşqınlığı artırıb.
Hadisə nəticəsində xəsarət alan və ya ölənlərin olmadığı bildirilir. Ziyan və ya saxlanılan şəxslərlə bağlı rəsmi açıqlama verilməyib.
Qeyd edək ki, bu hadisələr Venesuela Prezidenti Nikolas Maduro və həyat yoldaşı Cilia Floresin ABŞ-ın həftəsonu keçirdiyi əməliyyat zamanı saxlanılmasından və vitse-prezident Delsi Rodriqesin sonradan müvəqqəti prezident kimi and içməsindən bir neçə saat sonra baş verib.
Hakimiyyət orqanları Prezident İqamətgahının yaxınlığında baş verən hadisələrin ölkədəki siyasi böhranla birbaşa əlaqəli olub-olmadığını hələlik təsdiqləməyib.