Türkiyə ilk dəfə NATO Müttəfiq Reaksiya Qüvvələrinə rəhbərlik edəcək
Milli Müdafiə Nazirliyi Türkiyənin NATO öhdəlikləri çərçivəsində 1 iyul 2025-ci ildən 30 iyun 2026-cı ilədək NATO komandanlıqlarını idarə edəcəyini açıqlayıb.
Türkiyə iyulun 1-dən etibarən ilk dəfə NATO Müttəfiq Reaksiya Qüvvələrinə rəhbərlik edəcək. Bu barədə ölkənin Milli Müdafiə Nazirliyi məlumat yayıb.
Nazirlik Türkiyənin NATO öhdəlikləri çərçivəsində 1 iyul 2025-ci ildən 30 iyun 2026-cı ilədək ölkənin NATO komandanlıqlarını idarə edəcəyini açıqlayıb.
“Müttəfiq Reaksiya Qüvvələri və Hərbi Dəniz Piyada Taboru, 24 mart - 4 aprel 2025 tarixləri arasında keçiriləcək Dynamic Mariner/Flotex-25 təlimində iştirak edəcək. Təlimdə, həmçinin TCG Sancaktar, TCG Bayraktar, TCG Oruc Reis və TCG Gaziantep gəmiləri ilə yanaşı, Route/İspaniya da iştirak edəcək”, - deyə bəyanatda bildirilir.