Avstraliya Netanyahunun tənqidlərinə baxmayaraq Fələstinin tanınmasını müdafiə edir

Entoni Albanez İsrailin Qəzzada zorakılıqlarına son qoymağa və humanitar yardıma çıxışa çağıraraq, davamlı sülhün uzunmüddətli həllə doğru irəliləməsinin vacibliyini bildirib.

Avstraliyanın Baş naziri Entoni Albanez soyqırımçı Netanyahunun Fələstin dövlətini tanımaq qərarını “terrorçuluğa qarşı gülünc mükafat” adlandırmasından sonra hökumətinin Fələstin dövlətini tanımaq qərarını müdafiə edib.

Sentyabrın 21-də Nyu-Yorkda BMT-də jurnalistlərə açıqlama verən Albanez "Avstraliya Fələstinin tanınması ilə bağlı uzun müddətdir ölkədə iki partiya tərəfindən mənimsənən mövqeyə uyğun addım atdı. Biz iki dövlətli həll yolunu dəstəkləyirik" deyib.

Entoni Albanez Avstraliyanın BMT-nin 1948-ci ildə İsrail Dövlətinin qurulmasında "müsbət rol" oynadığını qeyd edib və o dövrdə iki dövlətin yaradılmasının nəzərdə tutulduğunu bildirib

Baş nazir həmçinin "orada baş verən humanitar fəlakəti həll etmək üçün" dərhal atəşkəsə, girovların azad edilməsi və Qəzzaya humanitar yardımın çatdırılmasının bərpasına çağırıb.

"Uzunmüddətli həll"

Entoni Albanez bildirib ki, davamlı sülh "israillilərin və fələstinlilərin gələcəkdə sülh və təhlükəsizlik şəraitində yan-yana yaşaya bilmələri üçün uzunmüddətli həllə doğru addımlar atmağı" tələb edir.

Albanez sentyabrın 21-də "X" edilən paylaşımda "Avstraliya Millətlər Birliyi 21 sentyabr 2025-ci il bazar günündən etibarən müstəqil və suveren Fələstin Dövlətini rəsmi olaraq tanıyır" deyib.

Albanez bildirib ki, bu addım "Fələstin xalqının öz dövlətinə sahib olmaq üçün qanuni və çoxdankı istəyini tanıyır" və Kanada və Böyük Britaniyanın oxşar qərarları ilə yanaşı, "iki dövlətli həll üçün yeni istiqamət yaratmaq üçün beynəlxalq səylərin bir hissəsidir".

Netanyahu Avstraliya, Böyük Britaniya və digər ölkələrin eyni gün elan etdiyi tanınma qərarını tənqid edərək, bunu "terror üçün absurd mükafat" adlandırıb.