Quzey Kıbrıs Türk Cümhuriyyәti prezidenti Dәrviş Әroğlu, dünәn Cәnubi Kıbrıs Rum İcması lideri Dmitris Xristofyasın şәrәfinә qonaqlıq verib.

Әroğlu vә Xristofyas yemәkdә başlayan dostluqlarını müzakirә masasına da әks etdirmәk istәyirlәr.

Dünәn sabah saatlarına tәhlükәsiz bölgәdә mülkiyyәt başlığını müzakirә edәn iki lider axşam da yemәkdә bir araya gәlib.

Әroğlunun Lefkoşada verdiyi axşam qonaqlığına Xristofyas və hәyat yoldaşından başqa BMT baş katibinin Kıbrıs üzrә xüsusi nümayәndәsi Alexander Dovner, Xristofyasın xüsusi nümayәndәsi Yorqo Yakovu vә Әroğlunun müşaviri Qudrәt Özәrsay da qatılıb.

Kıbrıs Türk vә Rum mәtbuatının qonaqlığa marağı böyük olub.

Quzey Kıbrıs Türk Cümhuriyyәti prezidenti Dәrviş Әroğlu yemәkdәn sonra verdiyi açıqlamada Xristofyası evinә yemәyә dәvәt etdiyini, onunla keçmiş illәrdәn bәri tanış olduqlarını, ancaq dost olmağa yeni başladıqlarını deyib.

Әroğlunun qonaqpәrvәrliyindәn razı qaldıqlarını deyən Xristofyas da sәmimi atmosferdә keçәn qonaqlıqdan mәmnuniyyәtlә ayrıldıqlarını qeyd edib.

BMT baş katibi Ban Ki Munun Kıbrıs üzrә nümayәndәsi Dovner isә qonaqlığın müzakirә prosesinә müsbәt tәsir edәcәyini, belә görüşlәrin iki xalq arasında etimadı artıran tәsirinin olacağını vurğulayıb. (www.trtazerbaycan.com)